«Камолот» ЁИҲ, ЎзА, ЎзМТРК, Журналистлари ижодий уюшмаси, Мустақил босма оммавий ахборот воситалари ва ахборот агентликларини қўллаб-қувватлаш ва ривожлантириш жамоат фонди ОАВ ходимлари ўртасида «Йилнинг энг фаол ёш журналисти» республика танловини ўтказади. Бу ҳақда ЎзА маълум қилди.
Daryo.Uz’нинг ёзишича, танловда мамлакат оммавий ахборот воситаларида фаолият юритаётган ҳамда таҳририятлар билан яқин ҳамкорлик қилаётган 30 ёшгача бўлган журналистлар иштирок этиши мумкин.
Хабарда таъкидланишича, «танловга тақдим этиладиган ижодий Ўзбекистонда амалга оширилаётган ёшларга оид давлат сиёсатининг мазмун-моҳияти, ёшларни Ватанимиз, халқимиз, миллий қадриятларимизга ҳурмат ва садоқат руҳида тарбиялаш масалалари, давлатимиз томонидан ёшлар учун яратиб берилаётган имкониятлар, шарт-шароитлар кенг очиб берилган бўлиши лозим».
Танловга тақдим этиладиган материаллар 2014 йилнинг 1 ноябригача «Камолот» ЁИҲ марказий кенгашида қабул қилинади. Танлов ғолиблари махсус диплом ва эсдалик совғалари билан тақдирланади. Танлов ғолибларига мукофотлар Ўзбекистон Конституциясининг 22 йиллик байрами арафасида топширилади.
Комментариев нет:
Отправить комментарий