Америкалик беш яшар бола Microsoft’нинг Xbox Live мультимедия хизмати хавфсизлик тизимидаги камчиликларни топгани учун компанияcидан расман ташаккурнома олди.
BBC’нинг хабар беришича, Американинг Сан-Диего шаҳрида яшовчи Кристофер Вон Ҳассел Xbox Live’ни дадасининг саҳифасига тўғри паролни киритмасдан туриб ҳам фойдаланиш уддасидан чиққан.
Microsoft компанияси мавжуд камчиликни тузатиб, Кристоферни хавфсизлик бўйича тадқиқотчилар рўйхатига киритиб қўйган.
Болакай нотўғри паролни киритиш экранда иккинчи тасдиқлаш учун паролни сўрашини тушуниб етган. Кристофер пароль киритиладиган жойга шунчаки пробелни босиб турса, дадасининг саҳифасига бемалол кириш мумкинлигини аниқлаган.
“Жудаям қўрқардим. У буни билиб қолади, деб ўйлардим”, деб интервью беради болакай маҳаллий KGTV телеканалига.
Кейинчалик боланинг отаси ушбу камчилик ҳақида компанияга маълум қилган. Компания баёнотида “мижозларига ҳар доим қулоқ солиб келишини ҳамда муаммоларга уларнинг эътиборини жалб қилгани учун ташаккур билдириши”ни айтган.
Кристофернинг исм-фамилияси компаниянинг ташаккур билдирилганлар рўйхатига ҳам киритилган. Компания, шунингдек, Кристоферга тўртта бепул ўйин, 50 доллар ҳамда Xbox Live’га бир йиллик обуна тақдим қилган.
Комментариев нет:
Отправить комментарий