Агар Москва метрополитени бекатларидаги ҳаво ҳарорати +28 даражадан ошса, йўловчиларга бепул сув тарқатилади. Бу ҳақда, «РИА Новости» хабарига кўра, Москва шаҳар транспорт департаменти бошлиғи Максим Лискутов ваъда берди.
«Агар метро бекатларидаги температура нормаси 28 даражадан ошиб кетадиган бўлса, йўловчиларга чекланмаган миқдорда ичимлик суви етказиб бериш ташкил этилади», – деди у.
Амалдорнинг маълум қилишича, май ойигача Москва метросига бутилкада сув сотишга мўлжалланган 17та автомат-қурилма ўрнатилади.
The-Village.ru’нинг маълум қилишича, 2013 йилнинг фавқулодда иссиқ ёзида Москва метроси ўз тарихида илк бор йўловчиларга бепул сув тарқатган эди.
Акциянинг биринчи куни, 28 июнда «Сокол», «Аэропорт», «Дмитровская», «Тимирязевская», «Беляево» ва «Петровско-Разумовская» метро бекатлари вестибюлларида 9 мингдан ортиқ ярим литрли сувли бутилкалар тарқатилган.
Manba: kun.uz
Комментариев нет:
Отправить комментарий