Тошкентда туғилган уч нафар эгизакка уч хонали уй совға қилинди

Пойтахтимизнинг Чилонзор тумани Қозиработ маҳалласида яшовчи Абдураҳмон ва Мухлиса Ибрагимовлар оиласига давлат томонидан уч хонали уй туҳфа этилди.

“Оила даврасида” газетасининг ёзишича, мазкур хонадонда 2014 йил 31 январь

куни уч эгизак дунёга келди. Эгизакларга Ҳасан, Фотима ва Ҳусан деб исм қўйилган. Бунгача ушбу оиланинг 6 ёшли Камола ва 4 яшар Мафтуна фарзандлари бўлган.

“Соғлом бола йилида бу бахтиёр оилага давлатимиз томонидан барча қулайликка эга, шинам 3 хонали уй туҳфа этилди”, — дейилади газета хабарида.

Manba: kun.uz