Amerikalik professor talabalarga bir semestr davomida bilmasdan boshqa fandan dars berdi

Xyuston universitetining eng a’lochi talabalari ham butun bir semestr davomida bir fandan uch bahodan ortig‘iga o‘qiy olmadi. Faqat imtihonlar arafasida ularning o‘qituvchisi boshqa fandan dars berayotganini sezib qoldi.

Lone Star College binosi. Foto: pvamu.edu

“Kun”ning xabar berishicha, Lone Star College’da endi ish boshlagan professor o‘z talabalarini “Kimyoga kirish” kursi bilan tanishtirishi kerak edi. Buning o‘rniga esa bo‘lajak kimyogarlar ilg‘or talabalar uchun mo‘ljallangan nisbatan murakkab kurs bo‘yicha ta’lim olishlariga to‘g‘ri kelgan.

“Bor kuchim bilan harakat qilganimga qaramay, barcha testlardan faqat uch baho oldim”, — deydi talaba qizlardan biri.

Look At Me’ning yozishicha, o‘qituvchi o‘z xatosini imtihon arafasida tan olgan. Kompensatsiya sifatida barcha talabalar rasvosi chiqqan avvalgi testlar uchun yuqori ballar olgan.

Manba: daryo.uz