Футбол бўйича ЖЧ-2014ни «тўпнинг кўзи билан» кўриш мумкин бўлади

Бу йил Бразилияда бўлиб ўтадиган футбол бўйича Жаҳон чемпионати учун Adidas фирмаси махсус тўплар тайёрлаган. Улардан ҳар бирининг ичига олтита HD-камера ўрнатилган. Бу ҳақда Look At Me нашри хабар бермоқда.

Daryo.Uz’нинг ёзишича, Adidas бу маҳсулотини «бразука» дебномлаган. Чемпионатнинг стандарт тўплари ҳам шундай номланади.

Фирма ўзининг Youtube-каналида бу тўпнинг дунё бўйлаб саёҳати акс эттирилган видеолавҳани жойлаштирмоқда. Шунингдек,@brazuca’ни Twitter’да ҳам кузатиб бориш мумкин. 7 апрелдан бошлаб ишлаб чиқарувчининг сайтида 360º кўринишдаги фотосуратларни томоша қилиш ва совринли ўйинларда иштирок этиш мумкин бўлади.

Бу Adidas’нинг маркетинг иши бўлиб қоладими ёки ўйиннинг бир қисмига айланадими – буниси ҳозирча номаълум. Аммо футбол тўпидаги камера орқали олинган маълумотлар айрим баҳсли масалаларни ҳал этишга ёрдам бериши кутилмоқда.